Contacontos "O censor de monstros"

Hoxe 21 de xuño de 2017, xa case rematando o curso, grazas ao Concello e a Anpa, xunto cos equipos de Dinamización Lingüística e da Biblioteca, todos os nen@s do cole desfrutaron dun divertido contacontos no auditorio municipal titulado "O censor de monstros". Pasáronno xenial e ademais os membros da compañía tiveron o detalle de deixarnos no centro a un dos "monstros" do conto: "O carballo de San Fins".

AQUÍ ÁLBUM DE FOTOS

Recomendacións para o verán

Pois o curso case está rematado e non podían faltar unhas recomendacións de lecturas para facer máis levadeira a calor destes meses. Así pois dende a biblioteca aí vos deixamos unha suxerencia en galego e outra en castelán para cada curso.
AQUÍ ÁLBUM DE FOTOS

OS NOSOS CONTOS

Os nenos de E. Infantil de 4 anos en colaboración coa biblioteca e con Dinamización Lingüística traballaron ao longo do curso diferentes contos. Aquí podedes ver un vídeo cun resumo dos mesmos.

Debuxario

Outra actividade que realizaron os alumnos de Infantil de catro anos en colaboración coa biblioteca e dinamización lingüística, foi a elaboración dun "Debuxario" co obxectivo de fomentar o uso da lingua galega. Trátase tamén dun diccionario de imaxes e palabras en galego traballadas ao longo do curso no taller de A.L.
Aquí álbum de fotos.


DEBUXARIO. Infantil 4 anos. CEIP Antpnio Carpintero. Curso 2016/2017 by Slidely Slideshow

Palabras Secretas

Os nenos de E. Infantil de catro anos, en colaboración coa biblioteca, a partires do 2º trimestre, comezaron un proxecto de lecto-escritura de lingua castelá que tiña por título "Palabras Secretas". Os venres pola mañá, os nenos ao chegar á clase, atopaban unha palabra nun sobre personalizado co seu nome. As palabras tiñan relación co tema que se estaba a tratar na aula. A continuación facían unha pequena investigación da "palabra secreta"e cubrían unha ficha. O resultado desta actividade pasou a formar parte da biblioteca como un pequeno diccionario para os nenos de E.I.
Aquí álbum de fotos.

Regalos para os auxiliares de biblioteca!

Un curso máis a biblioteca do cole ten a sorte de contar con nen@s voluntarios de quinto e sexto que todos os recreos realizan tarefas tan necesarias na biblioteca como son: manter a orde e o silencio, axudar no préstamo de libros, supervisar a colocación dos libros despois do seu uso, axudar nas tarefas de reparación dos libros e controlar o uso dos ordenadores. Son os nosos auxiliares! E para agradecer o seu labor onte fíxoselles entrega dun pequeno agasallo que consiste nunha taza feita a man cun debuxo do "Principiño" e una frase do mesmo extraída do libro que traduciu Carlos Casares. Dentro da taza levaban un par de marcapáxinas e por fora a tarxeta que os identificaba como auxiliares. Grazas pola vosa colaboración rapaces!
ÁLBUM AQUÍ

Obradoiro de escritura creativa

Nesta páxina poderedes ir vendo diferentes traballos que se van facendo relacionados coa expresión escrita, pero dunha forma máis creativa ca o habitual. Dende Dinamización propúxose facelo deste xeito e resulta máis divertido e motivador. Aquí podedes ver o resultado dos diferentes traballos.
Fotos vacacións  Fotos máquina de escribir  Fotos atrapasoños  Fotos planeta Fotos tiburón

Día das Letras Galegas

Mañá día 17 de maio celebramos na nosa Comunidade o día das letras galegas, adicado este ano a Carlos Casares. No noso cole o traballaremos por aulas de diferentes xeitos que xa vos iremos amosando. Para comezar temos na entrada unha pequena exposición da obra de Carlos Casares. Tamén desde Dinamización Lingúística preparáronse uns marcapáxinas para que todos os nen@s o "personalicen" pola parte de atrás con debuxos ou textos sobre o autor ou a súa obra. Os alumnos de 5º prepararon un pequeno texto da obra de Casares "A galiña azul" co que nos queren demostrar a importancia de que exista a diversidade. Podedes ver as súas interpretacións neste video.

Se pinchades en calquera das imaxes inferiores poderedes ver unha pequena exposición da vida e obra de Carlos Casares.
  

Visita de Migallas

Este martes día 9 tivemos a sorte de disfrutar dun espectáculo divertidísimo da man do grupo "Migallas" que nos veu presentar o seu último traballo "Pan de millo". Pasámolo xenial coas súas cancións e ocurrencias. Foi un rato moi agradable e entretido. Aquí tedes dous vídeos de dúas das cancións que cantamos con eles, e algunhas fotos do espectáculo.
Aquí máis fotos.

Canta arte nos pinceis!

Canta arte nos pinceis! Este é o título co que acollemos a exposición dos traballos do proxecto de biblioteca, no que este ano cada curso traballou un pintor.
- 3 anos: Kandinsky
- 4 anos: Frida Kahlo
- 5 anos: Salvador Dalí
- 1º E.P. Paul Klee
- 2º E.P. Van Gogh
- 3º E.P. Joan Miró
- 4º E.P. Munch
- 5º E.P. Andy Warhol
- 6º E.P. Klimt
Na entrada do cole pódese ver a variedade de traballos expostos, pero para os que non vos poidades pasar, aquí tedes algunhas fotografías dos mesmos.

 AQUÍ ÁLBUM DE FOTOS

   

  

Día do libro

Xa é coñecido por todos que o Día do Libro se celebra o 23 de abril. É unha data importante e un día sabe a pouco por iso imos adicar toda a semana a súa celebración. Para comezar todos os nenos truxeron algún dos seus libros favoritos e na hora de ler de toda a semana compartíamolos escollendo cada día o que máis nosustase. . AQUÍ MÁIS FOTOS

Día de Rosalía

Para celebrar o Día de Rosalía, algúns nenos dos cursos máis altos léronlles aos máis pequenos diferentes poemas de Rosalía de Castro. Ademáis algúns deles puxeron voz ao coñecido poema "Adiós ríos, adiós fontes". Podédelo ver no seguinte vídeo

Isto tamén é arte!

Aproveitando o tema deste ano, centrado na arte, os alumnos de primaria realizaron uns esgrafiados impresionantes. Fixemos a exposición dos mesmos, como non, na nosa árbore da vida. Quedaron preciosos. Podédelos ver neste video e nas fotos. AQUÍ FOTOS

ADIVIÑA ADIVIÑANZA!

A biblioteca do cole, xunto con dinamización lingüística propóñennos un concurso de adiviñas para que lle "deamos ao coco". A ver cantas somos quen de adiviñar!

Tempo de entroido

Xa esta aquí! e como non, a nosa árbore volve ser testemuña da celebración. Unha vez máis volvimos contar coa axuda das familias o cal sempre lles agradecemos para que descorasen desta volta uns antifaces. Quedaron preiosos. Podédelo ver AQUÍ  nas  fotos e xuzgar vos mesmos!

Cambios na nosa bblioteca

Aproveitando que xa temos mascota fixemos algúns cambios para mellorar o espazo da biblioteca . Utilizamos a imaxe de Leo para cambiar a CDU e fixemos uns petos para que os marcadores que utilizamos estean máis ordenados.